Home / Technology / اے ٹی ایم سے پیسے نکالتے وقت ان باتوں کا خیال رکھیں

اے ٹی ایم سے پیسے نکالتے وقت ان باتوں کا خیال رکھیں

اگر آپ اے ٹی ایم سے پیسے نکالتے وقت ان باتوں کا دھیان نہیں رکھ رہے تو آپ کے ساتھ بڑا دھوکا ہو سکتا ہے۔

اے ٹی ایم سے پیسے نکالتے وقت اس بات کا خاص خیال رکھیں کہ آپ کے ساتھ کوئی اجنبی شخص موجود نہ ہو۔ اگر رات کے وقت پیسہ نکالنے جا رہے ہیں تو ایک ساتھی کو کم سے کم ضرور لے کر جائیں۔ کچھ اے ٹی ایم ویران جگہوں پر ہوتے ہیں۔ ایسی جگہوں پر دوپہر کے وقت بھی خطرہ رہتا ہے۔ اے ٹی ایم میں داخل ہوتے وقت پرس میں سے کارڈ کو پہلے ہی باہر نکال کر رکھ لیں۔ اگر آپ کو کچھ زیادہ پیسوں کی ضرورت ہے تو اس بات کی کوشش کریں کہ ایسی جگہ واقع اے ٹی ایم جائیں جو کسی ریلوے سٹیشن، بس سٹینڈ یا مارکیٹ میں ہو، ویران جگہ پر زیادہ رقم نہ نکالیں۔

اپنے اے ٹی ایم کا پن نمبر ہمیشہ یاد رکھیں۔ ایسا نہ ہو کہ آپ کو بار بار اے ٹی ایم کا استعمال کرتے موبائل سے پن دیکھنے کی نوبت آئے۔ جب اے ٹی ایم سے پیسے نکل رہے ہوں تو نیچے نوٹ نکلتے وقت اس پر توجہ رکھیں۔ کئی بار اے ٹی ایم مشین خراب بھی ہوتی ہے اور تیزی سے نوٹ پھینکتی ہے جس سے نوٹ كیبن میں بکھر جاتے ہیں جو ٹھیک نہیں ہے۔

پیسہ نکالنے کے بعد ایک بار مناسب طریقے سے تسلی کر لیں اور رقم گن لیں۔ کئی بار پیسے نکالنے کے دوران کسٹمر رسید کے آپشن پر کلک نہیں کرتے لیکن اگر پیسے زیادہ ہوں تو رسید ضرور لیں اور اسے اپنے پاس سنبھال کر رکھیں۔ زیادہ رقم ہو تو پھر ایک بار ضرور رسید بینک کے اسٹیٹ منٹ سے چیک کرلیں۔ اگر آپ کو کوئی پرابلم ہو تو متعلقہ بینک سے رابطہ کریں۔

اے ٹی ایم میں سب سے اہم ہوتا ہے آپ کا پن، اسے انتہائی سنجیدگی کے ساتھ سنبھال كر رکھیں۔ کوشش کریں کہ جو بھی بینک کی طرف سے
فراہم کردہ پن ہے، اسے ایک بار ضرور بدل لیں۔ پن ڈالتے وقت کی پیڈ کو اپنے دوسرے ہاتھ سے چھپائے رکھیں۔

About ZK-admin

Check Also

ٹیرا ہرٹز شعاعوں کے ذریعے کمپیوٹر میموری میں انقلابی اضافے کا طریقہ ایجاد

ٹیرا ہرٹز شعاعوں کے ذریعے کمپیوٹر میموری میں انقلابی اضافے کا طریقہ ایجاد

ٹیرا ہرٹز شعاعوں کے ذریعے کمپیوٹر میموری میں انقلابی اضافے کا طریقہ ایجاد روسی ماہرین …

Leave a Reply

Your email address will not be published. Required fields are marked *